يامدينه الحزن كلك اسوار
كل الى فيكى محتار
كلك يامدينه اسرار
هوه انا دخلت ليه وكنت عاوز ايه
فكرينى بس وقوليلى
قولى انا دخلت ليه صرحينى
كنت بجرى ورى حرامى سرقنى وغمانى
ولا كنت بدور فيكى على احزانى
دا واقف هناك بيبصلى
سرق من حاجه غاليه وبيزلنى
وعاوز يستخبى ويخضنى
ارجع ولا اكمل
هبقى ضعيف ولا اتحمل
هفتح كل الاوض ادور عليه
واساله بس هوه سرقنى ليه
وقصده من دا كله ايه
بس كل الاوض مقفوله بتبراس
والمفتاح مع الحراس
وفى ودانى سامع اجراس
جرس دا ولا سرينه
ولا دا صوت دموع المدينه
ماهى كده كده اصلا حزينه
انا لازم ارجع انا كده هتوه
نفسى محبوس جوايا وكل الى هنا معتوه
افتحو الباب انا هموت
الوقت عمال يفوت
وكل شويه بيزيد الصوت
ياترى دا صوت مين
صوتى انا ولا صوت الميتين
